"Реал" президенти Флорентино Перес "Барселона"нинг ички ишларига аралашиш, хусусан, Мессининг кетишида қўли борлиги ҳақидаги айбловларга жавоб берди.
"Барселона" бош директори Ферран Ревертер билан узоқ йиллик дўстлигим ҳақидаги маълумотлар - бу ёлғон. Мен у билан ҳаётимда атиги икки марта учрашганман. Бир марта — тўрт ой олдин, иккинчи марта — ўтган шанба куни Барселонада Жоан Лапорта билан бўлиб ўтган учрашувда.
Мен Мессининг кетишига ҳам, "Барселона"нинг бошқа қарорига ҳам ҳеч қандай таъсир қилмадим. Шунинг учун умид қиламанки, Хуанме Лопез ҳақиқатга тўғри келмайдиган баёнотини қайта кўриб чиқади”, - деди Перес расмий баёнотида.
