Месси томоша қилган ўйинда Ўзбекистон U20 терма жамоаси Аргентинага имкониятни бой берди

Ўзбекистон ёшлар терма жамоаси Буэнос-Айрес шаҳрида Хавьер Маскерано бошқарувидаги Аргентина U20 терма жамоасига қарши дастлабки ўртоқлик ўйинини ўтказди.

Учрашув мезбонларнинг 2:0 ҳисобидаги ғалабаси билан якунланди. Аргентина 17-дақиқада Мариано томонидан урилган гол эвазига ҳисобни очган бўлса, иккинчи бўлим бошида Франко иккинчи тўпни дарвозамизга киритди.

Эътиборли томони, мазкур ўйинни Лионель Месси стадионда четида ўтирган ҳолда кузатиб борган.

Аргентинага қарши кейинги учрашув 13 октябрь Тошкент вақти билан соат 18:00 да бўлиб ўтади.