"ПСЖ"нинг янги футболчиси Лионель Месси нима учун Париж клубининг таклифини қабул қилганини айтиб берди.
"ПСЖ"га ўтганимдан кейин ўзимни бахтли ҳис қиляпман. Клуб раҳбариятига миннатдорчилик билдираман. Ҳаммаси яхши ўтди. Мен аввалгидек ғалаба қозониш истагини ҳис қиляпман. Бу ерда қандай таркиб борлигини кўряпман. Биз барча совринлар учун курашишга тайёрмиз. Шунинг учун мен шартнома имзоладим", - деди аргентиналик футболчи матбуот анжуманида.
Эслатиб ўтамиз, "ПСЖ" сешанба куни кечқурун 34 ёшли футболчи билан шартнома имзолаганини эълон қилди.
