«Реал» ҳужумчиси Килиан Мбаппенинг Италиядаги таътили ижтимоий тармоқлар ва ОАВда кенг муҳокамаларга сабаб бўлмоқда. Бу ҳақда AFP агентлиги хабар берди.
Аввалроқ, 1 май куни Sky Sport нашри франциялик ҳужумчининг испаниялик актриса Эстер Экспосито билан Сардиниядаги ресторанлардан бирида тушган видеосини эълон қилган эди. Ушбу кадрлар тарқалгач, жамоа раҳбарияти ва футболчилар жароҳатидан тикланаётган Мбаппенинг бундай сафаридан норози экани ҳақида хабарлар пайдо бўлди.
Футболчининг вакиллари ушбу танқидларга расмий муносабат билдирди.
«Бу каби айбловлар тикланиш жараёнидаги майда деталларни нотўғри талқин қилишга асосланган. Аслида жараён клуб томонидан қатъий назорат қилинмоқда. Бу танқидлар Килианнинг жамоа манфаати йўлида ҳар куни қилаётган меҳнати ва фидойилигига мос келмайди», — дейилади баёнотда.
Абдуқодир Ҳусанов учун катта маблағ сарфлашга тайёр гранд жамоа пайдо бўлди
Серхио Агуэро: «Абдуқодир Ҳусанов шу даражани 3-4 йил сақлаб қолса, дунёнинг энг яхши ҳимоячиларидан бирига айланиши мумкин»
Мбаппе жароҳатини даволаш ўрнига актриса билан ҳордиқ чиқармоқда. Клуб фанатлари жиддий норозилик билдирмоқда
