Мбаппе нарх бўйича Ямални қувиб етди

Жума куни "Transfermarkt" портали мутахассислари Испания Ла Лигасида тўп тепаётган футболчилар нархини янгилади. "Реал" форварди Килиан Мбаппе 20 миллион еврога қимматлашди ва энди 200 миллион еврога баҳоланмоқда.

Ла Лиганинг энг қиммат ўйинчилари рейтингида Мбаппе Ламин Ямалга етиб олди - "Барселона"нинг истеъдодли вингери ҳамон 200 миллионга баҳоланмоқда.

Кучли учликни Жуд Беллингем якунламоқда, гарчи у 20 миллион еврога арзонлашган бўлса ҳам. Беллингемнинг янги нархи - 160 миллион.

Кейинги ўринларда Винисиус Жуниор (150 млн евро), Педри (140), Федерико Вальверде (120), Хулиан Альварес (100), Арда Гюлер (90), Рафинья (80) ва Пау Кубарси (80) бормоқда.