Мадриднинг "Реал" клуби ҳужумчиси Килиан Мбаппенинг жароҳати жиддий бўлиб чиқди. Бу ҳақда "El Larguero" хабар бермоқда.
Манба маълумотига кўра, форварднинг тиззасидаги хочсимон бойлами узилиш арафасида турибди. Айни вақтда франциялик футболчи ушбу бойламни тиклашга бор эътиборини қаратмоқчи. Тикланиш жараёни секин ва босқичма-босқич бўлиши лозим.
Агар ҳужумчи даволанишни тезлаштирса жароҳат янада оғирлашиши мумкин. Бундай ҳолда, Мбаппе ёзда бўлиб ўтадиган Жаҳон чемпионатини ўтказиб юборишига тўғри келади. Ҳозирда "қироллик клуби"нинг тиббий штаби франциялик футболчининг тикланиш стратегиясини ишлаб чиқмоқда.
Маълумот учун, 27 ёшли футболчи жорий мавсум мадридликлар сафида 33 та учрашувда майдонга тушиб, 38 та гол киритди ва 6 та голли узатма амалга оширган.
Машҳур модель Ҳусановга учрашув таклиф қилди
"Манчестер Сити" ҳам Абдуқодир Ҳусановга мурожаат қилди
Роналду ўз мақсадига эришди
