Мавритания қирғоқларида балиқчи қайиғи чўкиб кетиши оқибатида камида 89 муҳожир ҳалок бўлди.
Бу ҳақда The Guardian ёзмоқда.
Қайд этилишича, қайиқ Атлантика океани соҳилида мамлакат жануби-ғарбидаги Ндиаго шаҳридан тахминан 4 км узоқликда ағдарилиб кетган.
Дастлабки маълумотларга кўра, қайиқ бортида 170 нафар йўловчи билан Сенегал-Гамбия чегарасидан сузиб кетган.