Маск Трампнинг солиқ имтиёзлари ҳақидаги қонун лойиҳаси қабул қилинса, янги партия тузиш билан таҳдид қилди

Миллиардер Илон Маск, агар АҚШ Конгресси президент Доналд Трамп “Катта ажойиб қонун” деб атаётган солиқ имтиёзлари тўғрисидаги қонун лойиҳасини қабул қилса, “Америка” партиясини тузиш билан таҳдид қилди.

"Мамлакатимизга демократлар ва республикачилар бирлашмасидан иборат ягона партияга муқобил куч зарур, шунда халқ чинакам овоз бериш имконига эга бўлади", — деб ёзди Маск ўзининг Х ижтимоий тармоғида.

Трамп эса Маскнинг танқидига жавобан ўзининг Truth Social ижтимоий тармоғида электромобилларга қарши эканини ва Маск бу ҳақда уни сайловларда қўллаб-қувватлаганида ҳам билганини ёзди.

"Электромобиллар ёмон эмас, лекин ҳеч кимни уларни мажбуран сотиб олишга ундаш керак эмас. Илон, эҳтимол, тарихда энг кўп субсидиялар олган одамдир ва бу ҳолда, эҳтимол, ўз бизнесини ёпиб, Жанубий Африкадаги уйига қайтишга мажбур бўлар эди", — деб ёзди АҚШ президенти.