Маск: "Радикал сўллар ғалаба қозонса, АҚШ йўқолади"

Ноябрда бўлиб ўтадиган оралиқ Конгресс сайловларида сўл радикаллар ғалаба қозонса, Қўшма Штатлар мағлуб бўлади.

Бу ҳақда АҚШ Ҳукумат самарадорлиги департаментини (DOGE) бошқарган америкалик тадбиркор Илон Маск ижтимоий тармоқдаги саҳифасида ёзди.

"Агар радикал сўл ғалаба қозонса, Америка йўқолади. Улар ноқонуний иммиграция ва фирибгарлик учун эшикларни очади. Бу энди Америка бўлмайди", - деди у.

Миллиардер Республикачилар партиясига ноябрдаги сайловларда ғалаба қозониши ва Конгресснинг иккала палатаси устидан назоратни сақлаб қолиши учун унга молиявий ёрдам бераётгани ҳақидаги хабарларга жавоб берди.

Декабрь ойи ўрталарида Axios манбаларга таяниб, Маск Вакиллар палатаси ва Сенат учун 2026 йилда ўтказиладиган оралиқ сайловлар олдидан Республикачилар сайлов кампаниясини молиялаштиришни бошлагани ҳақида хабар берди. Порталнинг қайд этишича, бу бизнесменнинг АҚШ президенти Дональд Трамп билан ўтган ёзги можародан кейин муносабатлари илиқлашганидан далолат беради.