Mask: "Radikal so‘llar g‘alaba qozonsa, AQSh yo‘qoladi"

Noyabrda bo‘lib o‘tadigan oraliq Kongress saylovlarida so‘l radikallar g‘alaba qozonsa, Qo‘shma Shtatlar mag‘lub bo‘ladi.

Bu haqda AQSh Hukumat samaradorligi departamentini (DOGE) boshqargan amerikalik tadbirkor Ilon Mask ijtimoiy tarmoqdagi sahifasida yozdi.

"Agar radikal so‘l g‘alaba qozonsa, Amerika yo‘qoladi. Ular noqonuniy immigrasiya va firibgarlik uchun eshiklarni ochadi. Bu endi Amerika bo‘lmaydi", - dedi u.

Milliarder Respublikachilar partiyasiga noyabrdagi saylovlarda g‘alaba qozonishi va Kongressning ikkala palatasi ustidan nazoratni saqlab qolishi uchun unga moliyaviy yordam berayotgani haqidagi xabarlarga javob berdi.

Dekabr oyi o‘rtalarida Axios manbalarga tayanib, Mask Vakillar palatasi va Senat uchun 2026 yilda o‘tkaziladigan oraliq saylovlar oldidan Respublikachilar saylov kampaniyasini moliyalashtirishni boshlagani haqida xabar berdi. Portalning qayd etishicha, bu biznesmenning AQSh prezidenti Donald Tramp bilan o‘tgan yozgi mojarodan keyin munosabatlari iliqlashganidan dalolat beradi.