АҚШнинг Флорида штатида йўлда кетаётган автомобилга келиб теккан тошбақа олд ойнани ёриб, йўловчилар ўриндиғида ўтирган кекса 71 ёшли аёлнинг бошини ёрган.
Маълум қилинишича, автомобиль бошқарувида аёлнинг қизи бўлган. У фавқулодда ёрдам хизматига мурожаат қилган, онаси бошидан қаттиқ жароҳат олганлиги сабабли ҳушидан кетган. Диспетчерлар унга тез ёрдам келгунча қонни қандай тўхтатиш ҳақида кўрсатмалар беришган.
Шундан сўнг нафақахўр аёл Дейтона-Бичдаги Halifax Health соғлиқни сақлаш тиббиёт марказига етказилган.
Қутқарувчиларнинг сўзларига кўра, тошбақа йўл устидан учиб ўтиб, шиша билан тўқнашгандан сўнг ҳам омон қолган. Уни машинадан олиб чиқиб, воқеа жойи яқинидаги ўрмонга қўйиб юборишган. Воқеа айбдори фақат қобиғидаги тирналишлар билан қутулиб қолган.
Фавқулодда хизматлар судралиб юрувчини бошқа транспорт воситаси уриб юборганидан кейин ҳавога учиб кетиши мумкинлигини тахмин қилишмоқда.
