Марокашнинг “Иттиҳад Танжер” футбол клуби футболчилари яхтадаги саёҳат давомида денгизда ғойиб бўлди. Бу ҳақда Moroccoworldnews хабар бермоқда.
Маълумотларга қараганда, яхта бортида беш киши бўлган, улардан тўрт нафари Марокашнинг “Иттиҳад Танжер” клуби футболчилари, бешинчи киши эса бошқа клубда ўйнаётган яна бир футболчи бўлган.
Спортчилар сузиш учун денгизга сакраган, бироқ кучли шамол уларнинг кемага қайтишига тўсқинлик қилган. Яхта эса шамол сабаб бошқа тарафга кетиб қолган.
Қидирув ишлари давомида икки футболчи қутқариб олинди. Икки нафар —Абделатиф Аҳриф ва Салман Эл-Ҳаррак бедарак йўқолган.
“Иттиҳад Танжер” президенти Муҳаммад Черкаоуи футболчилардан бири вафот этгани ҳақидаги миш-мишларни рад этиб, қидирув ишлари ҳамон давом этаётганини қайд этди.
“Биз учун ибодат қилинг, қолган футболчилар ҳақида яхши хабар эшитиш умидида эрталабгача шу ерда қоламиз”, — деди у оммавий ахборот воситаларига берган баёнотида.
Эрон зарбасидан кейин Исроил ҳаво кучлари базасининг сунъий йўлдош тасвирлари эълон қилинди
Украинага «Барча бомбаларнинг отаси» ташланди
Нобель қўмитасининг қароридан Исроил шок ҳолатига тушиб қолди
