Мали мудофаа вазирининг вафот этганини расман тасдиқлади

Малининг мудофаа вазири ва фахрийлар ишлари вазири Садио Камара ҳужумда ҳалок бўлди.

Ҳукумат вакили Исса Усмон Кулибали бу ҳақда давлат телевидениесида эълон қилди.

Унинг сўзларига кўра, Камара 25 апрель куни вазир ўша пайтда турган уйга жангарилар ҳужуми пайтида ўлдирилган.

Камаранинг аҳволи ҳақида қарама-қарши хабарлар тарқалган эди. Дастлаб, Мали мудофаа вазирлиги вазир ҳужумда жабрланмаганини хабар қилган эди. Кейинчалик Jeune Afrique журнали вазир Бамако чеккасидаги Кати армия базасидаги уйи яқинида портловчи моддалар солинган юк машинасининг портлаши натижасида ҳалок бўлганини хабар қилди.