Макрон Франциянинг ядро қуролидан фойдаланиши ҳақида баёнот берди

Франция Европа Иттифоқидаги ҳамкорлари билан Европанинг коллектив хавфсизлигини таъминлаш учун ядро қуролидан фойдаланиш бўйича мулоқотни бошлайди.

Бу ҳақда Франция президенти Эммануэль Макрон маълум қилган.

Унинг сўзларига кўра, Франциянинг ядро қуроли ролини тўлиқ баҳолаш учун мамлакат мудофаа вазирига бунга тайёр бўлган европалик ҳамкорлар билан стратегик мулоқотни бошлаш вазифаси юкланган. Франция раҳбари ушбу мавзудаги тараққиётни баҳолаш учун йил охирида ушбу суҳбатга қайтишга ваъда берди.

Макрон эслатганидек, ўтган ҳафта Франция ва Буюк Британия ўртасида мустақил ядровий тўхтатувчи воситаларни мувофиқлаштиришни кўзда тутувчи келишув имзоланган эди.