Лукашенко Мадуронинг Беларусга кўчиб келишига қарши эмаслигини билдирди

Беларус президенти Александр Лукашенко Венесуэла раҳбари Николас Мадуро истаса, Беларусга келишига қарши эмаслигини маълум қилди. Бу ҳақда БелТА хабар берди.

«Мадуро ҳеч қачон бизнинг душманимиз ҳам, рақибимиз ҳам бўлмаган. Агар у Беларусга келишни истаса, эшикларимиз доимо очиқ. Бироқ бу борада ҳеч қандай музокара бўлмаган. Мадуро ҳамма нарсани ташлаб қочиб кетадиган инсон эмас. У кучли, ҳалол ва ақли расо шахс, у билан гаплашиш ва келишиш мумкин», — деди Лукашенко.