Лавров Жанубий Африкага борди

Россия Ташқи ишлар вазири Сергей Лавров чоршанба куни Кейптаун шаҳрига етиб келди ва у ерда 1—2 июнь кунлари бўлиб ўтадиган БРИКС ташқи ишлар вазирлари йиғилишида иштирок этади, деб хабар беради “РИА Новости” мухбири.

Ташриф арафасида Россия дипломатик департаментининг маълум қилишича, Кейптаунда бўлиб ўтадиган учрашувда БРИКСга аъзо давлатлар халқаро кун тартибидаги масалаларни, етакчи кўп томонлама платформаларда ўзаро ҳамкорликни муҳокама қилади, ассоциациянинг стратегик шериклигини ривожлантириш истиқболлари юзасидан фикр алмашади.