Picodi дисконт агрегатори таҳлилчилари энг кам иш ҳақининг йил давомида қаерда энг кўп ошганини аниқладилар. Биз ҳукумат томонидан белгиланган энг кам иш ҳақига эга 67 давлатни ўргандик.
Қайд этилишича, ҳар бир давлат солиққа тортишнинг ўзига хос хусусиятларига эга ва соф ва ялпи иш ҳақи ўртасидаги фарқ 35 фоизгача бўлиши мумкин. Шунинг учун, таҳлилчилар «соф» иш ҳақини олдилар - яъни ходим ўз қўлида оладиган пулни.
Латвияда 2023 йил 1 январдан бошлаб энг кам иш ҳақи 500 евродан 620 еврога кўтарилди.
Мамлакат Аргентина (104,5 фоиз), Туркия (100 фоиз) ва Молдовадан (32,5 фоиз) кейин 27,1 фоизлик ўсиш билан рейтингда тўртинчи ўринни эгаллади. Йил давомида энг кам иш ҳақи 18,5 фоизга ошган Литва биринчи ўнликни ёпди.
Рейтинг муаллифлари етакчи мамлакатларда энг кам иш ҳақининг ошиши билан бирга инфляция ҳам ўсиб бораётганига эътибор қаратишади. Шу билан бирга, мутлақ маънода энг кам иш ҳақининг қийматлари жуда катта фарқ қилади - 111 дан 1594 гача (доллар ҳисобида).
