Франциянинг йирик сут маҳсулотлари ишлаб чиқарувчиси – Lactalis Ўзбекистонда ҳам сотилган чақалоқлар учун мўлжалланган сут маҳсулотларининг айрим партияларини қайтариб олмоқда. Бу жараён жами 18 та мамлакатни қамраб олган.
Компания маълумотига кўра, гап дорихоналар ва супермаркетларда сотилган Picot брендидаги чақалоқлар сут маҳсулотларининг 6 та партияси ҳақида бормоқда. Маҳсулотлар таркибидаги хомашёда бактерияли келиб чиқишга эга сереулид токсини аниқланган. Ушбу модда болаларда қусиш ва ич кетишига сабаб бўлиши мумкин.
Қайтариб олиш қарори Франциянинг болалар овқатланиши бўйича профессионал уюшмаси томонидан берилган огоҳлантирувдан сўнг қабул қилинган. Хабарга кўра, хавф омега-6 ARA ингредиенти билан боғлиқ бўлиб, у халқаро етказиб берувчидан олинган.
Lactalis вакили Ўзбекистон ҳам расмий равишда қайтариб олиш жараёнига киритилганини тасдиқлаган. Шу боис, мамлакатда сотилган айрим чақалоқлар сут маҳсулотлари ҳам текширув ва муомаладан чиқариш чораларига тушиши мумкин.
Мутахассислар ота-оналарни маҳсулот қадоқларидаги партия рақамларига эътиборли бўлишга, шубҳали маҳсулотларни истеъмол қилмасликка ва расмий тушунтиришларни кутишга чақирмоқда.
Эслатиб ўтамиз, Lactalis 2017–2018 йилларда ҳам ифлосланган чақалоқлар сут маҳсулотлари сабабли халқаро миқёсда йирик можаро марказида бўлган. Ўшанда ўнлаб болаларда салмонелла аниқланган эди.
Ўзбекистонда мазкур маҳсулотлар бўйича расмий идоралар қандай чоралар кўраётгани ҳозирча очиқланмади.
"Дунё гўзали" танлови иштирокчиси кийимида Ўзбекистон байроғи рамзларидан фойдалангани учун жаримага тортилди
Хитой АҚШни Гренландия масаласи бўйича огоҳлантирди
Ҳафтанинг иккинчи ярмида ҳаво ҳарорати -13° гача тушади
