Бу ҳақда Цой Сон Хи Москвада Россия ташқи ишлар вазири Сергей Лавров билан музокаралар чоғида айтиб ўтди. Унинг таъкидлашича, Шимолий Корея етакчиси Ким Чен Ин Россияни қўллаб-қувватлаш бўйича кўрсатма берган.
«Муносабатлар енгилмас ҳарбий дўстлик, шунингдек, юз йиллик истиқболдаги стратегик муносабатлар янги поғонага кўтарилмоқда. <...> Ғалабали кунгача биз доимо россиялик ўртоқларимизнинг ёнида мустаҳкам турамиз», — деди Цой Сон Хи.
Ўз навбатида, Лавров КХДР билан ҳамкорлик «стратегик хусусиятга эга, жумладан, сиёсий мулоқотнинг жадаллиги нуқтаи назаридан» эканини тасдиқлади. Унинг таъкидлашича, разведка хизматлари орқали Россия Федерацияси ва Шимолий Корея армиялари раҳбарияти ўртасида «жуда яқин алоқалар» ўрнатилган.
Аввалроқ Жанубий Корея Миллий хавфсизлик кенгаши Россияда КХДРнинг 11 минг ҳарбий хизматчиси борлиги ҳақида хабар берган эди. Департамент маълумотларига кўра, Шимолий Корея фуқароларининг бир қисми Курск вилоятига, бошқалари эса Донбассга юборилиши мумкин.
Бунгача Владимир Путин Шимолий Корея қўшинлари Россияда борлиги ҳақидаги маълумотни рад этмаган эди. У шундай деди: «Нима ва қандай қилиш бизнинг ишимиздир.»
Алишер Усмонов номзодини 103та давлат қўллаб-қувватлади
Россия Украина ҳудудини «рекорд тезликда» эгаллаб олди
Шимолий Корея аскарлари Курскда: биринчи қон
