Киев вилоятининг Переяслав-Хмельницк шаҳрида йигит ўз хотинини ҳимоя қилиш мақсадида унинг отасини ўлдирганлиги ҳақида полициянинг матбуот хизмати маълумотига таянган ҳолда «segodnya.ua» сайти хабар бермоқда.
Хабарларга кўра, йигит хотини билан отасининг жанжалини тўхтатиш учун 45 ёшли жабрланувчини итариб юборади. Бунинг натижасида эркак темир батареялар устига боши билан йиқилади ва миясига қон қуйилади. Бу ҳодиса унинг ўлими билан тугайди.
Йигитни шу заҳоти қўлга олишади. Полиция айбланувчини махсус изаляторда сақламоқда. Суриштирув ишлари давом этиб, ҳозирда Украина Жиноят кодексининг «Қасддан одам ўлдириш» моддасига асосан айбланмоқда.