Кубадаги аҳоли пунктларининг 70 фоизида электр таъминоти тикланди.
"Кетма-кет иккита узилишлардан сўнг мамлакатда энергия қайта тикланди", деб хабар бермоқда Reuters. Ҳукуматнинг электр тармоқлари оператори Гавананинг баъзи ҳудудларида электр таъминоти 21 октябрда тикланганини эълон қилди. Reuters агентлигининг қайд этишича, шаҳарнинг энг камбағал маҳаллаларида бир неча бор норозилик намойишлари бўлиб ўтган.
Бироқ, “Оскар” тўфони кучли сув тошқинига сабаб бўлган ва жиддий зарар етказган жануби-шарқий Гуантанамо провинциясида электр таъминоти ҳали тиклангани йўқ. Ҳудудда дарахтлар қулаган, электр узатиш линиялари шикастланган. Табиий офат қурбонлари сони етти кишига етди, улар орасида беш ёшли бола ҳам бор. Тўфон таъмирлаш ишларига ва электр энергиясини тиклашга халақит бермоқда.
