Бу ҳақда The Wall Street Journal хабар бермоқда.
Куба президенти Мигел Диас-Канел оролнинг уч ойлик нефт блокадасидан сўнг АҚШ президенти Доналд Трамп маъмурияти билан музокаралар олиб бораётганини илк бор расман тасдиқлади.
WSJ келтирган баёнотга кўра, мулоқотдан мақсад икки томонлама келишмовчиликларни мулоқот орқали ҳал қилиш, умумий таҳдидларга қарши ҳамкорлик йўналишларини белгилаш ва Лотин Америкасида хавфсизликни мустаҳкамлашдир. Шу билан бирга, Куба етакчиси бу жараён анча вақт талаб қилиши мумкинлигини билдирди.
"Музокаралар Вашингтон томонидан мисли кўрилмаган босим ўтказилаётган бир пайтда бошланди. 2026 йил бошида АҚШ Венесуэладан Кубага етказиладиган ва оролнинг энергия эҳтиёжларининг 50 фоизигача қоплайдиган нефт таъминотини амалда тўсиб қўйди. Кўп ўтмай, Вашингтон босими остида Мексика ҳам Кубага нефт етказиб беришни тўхтатди", дея ёзмоқда нашр.
Январ ойи охирида Трамп “Куба томонидан миллий хавфсизликка таҳдид” туфайли АҚШда фавқулодда ҳолат эълон қилди ва оролга бевосита ёки билвосита нефт етказиб берувчи давлатлардан импортга қўшимча божлар жорий этишга рухсат берди. Буларнинг барчаси Кубада оғир ёқилғи инқирозини келтириб чиқарди.
The Atlantic нашрининг Оқ уйдаги манбалари Куба Трампнинг “Эрон ва Венесуэладан кейинги навбатдаги нишони” бўлиши мумкинлигини билдирган. АҚШ президенти, агар Гавана Вашингтон билан келишувдан бош тортса, оролни “дўстона эгаллаб олиш” имкониятини ҳам инкор этмади.
БМТда уят ва бемаънилик театри
"Сув остидан учириладиган ва сониясига 100 метр тезликка эга": Эрон янги турдаги ракеталарини ишга солмоқчи
Эрон Исроилга ўта оғир баллистик ракеталар билан кучли ҳужум уюштирди
