Россия ва Хитой коронавирус инфекциясига қарши вакцина ишлаб чиқаришда етакчилик қилмоқда. Бу ҳақда Боао шаҳрида бўлиб ўтган Осиё иқтисодий форуми бош котиби Ли Баодонг айтиб ўтди, деб хабар беради РЕН ТВ.
Унга кўра, Москва ва Пекин "глобал пойгада биринчи бўлиб хавфсиз ва ишончли вакциналарни яратдилар".
Aввалроқ Россиянинг Пекиндаги элчиси Aндрей Денисов Москвага жўнаб кетганидан кейин Хитойга қайтишини осонлаштириш учун Хитой вакцинаси билан эмлангани ҳақида хабар берилганди. "Синофарм - бу бизнинг Спутник сингари асосий Хитой вакцинаси", деди у. Дипломат хавфсизлик сабабли ўз ихтиёри билан эмланганлигини тан олди, чунки дипломатик ва хизмат паспортлари эгалари учун Хитойга кириш ёпиқ эмас.
16 июль куни Осиё-Тинч океани иқтисодий ҳамкорлиги мамлакатлари раҳбарлари CОВИД-19га қарши вакциналар ишлаб чиқариш учун технологиялар алмашинувини йўлга қўйишга келишиб олдилар. «Биз CОВИД-19 га қарши кенг миқёсли эмлашнинг глобал ижтимоий манфаат сифатида аҳамиятини тан оламиз. Ва шу мақсадда биз вакциналар ишлаб чиқариш ва етказиб беришни кенгайтириш бўйича саъй-ҳаракатларимизни икки баравар кўпайтирамиз», - дейилади давлат раҳбарларининг норасмий онлайн учрашувидан сўнг эълон қилинган қўшма декларациясида.
Ўзбекистон тиббиёти оғир жудоликка учради
Аriston компанияси миллийлаштирилгач, Россия элчиси Италия ТИВга чақиртирилди
ЕЧЛ. Ярим финал. "Бавария" "Реал" билан жанговар дуранг қайд этди
