Хитой соғлиқни сақлаш масалалари бўйича давлат қўмитаси эксперт гуруҳи аъзоси Ли Синван янги турдаги коронавирусга чалинган беморларни даволаш учун бир ҳафтага яқин вақт талаб қилиниши, оғирроқ ҳолатларда эса икки ҳафта керак бўлади, деган.
"Ҳозирда енгил симптомли беморлар бир ҳафта ичида тузалмоқда, жиддийроқ беморлар тузалиши учун икки ҳафтача вақт керак бўлади", - деди Ли Синван.
Қўмита берган охирги маълумотларга кўра, Хитойнинг ўзида янги турдаги коронавирусга чалинганлар сони 4515 нафарга етган, улардан 106 нафари вафот этган, 60 киши тузалиб, шифохонадан чиққан.
Хитойдан ташқари, Ҳонгконг, Макао, Тайван, Таиланд, Япония, Жанубий Корея, АҚШ, Канада, Вьетнам, Сингапур, Непал, Франция, Австралия, Малайзия ва Германияда коронавирусга чалиниш ҳолатлари қайд этилган.