Колумбия ҳарбий хизматчиларига қарши уюштирилган теракт оқибатида олти киши ҳалок бўлди, тўрт киши яраланди.
Жангарилар мамлакат шимоли-ғарбий қисмидаги Антиокия департаментининг Копос қишлоғида масофадан бошқариладиган портловчи мосламани ишга туширди.
Ярадорлар вертолётда касалхонага ётқизилган.
Минтақада кенг кўламли амалиётлар давом этмоқда.
Колумбия президенти Густаво Петро Х ижтимоий тармоғидаги нашрида ҳарбий хизматчиларнинг ўлимидан чуқур қайғуда эканлигини таъкидлаб, қурбонларнинг оила аъзоларига ҳамдардлик билдирди.