«Фуқаролар томонидан сайланган президент деб аталмиш шахс Корея Республикасини ўлимга маҳкум қилганини ҳамма тан олиши керак», деди Ким Ё Чжон. Унинг сўзлари KCNA томонидан келтирилган.
У Жанубий Кореяни ҳарбий машқларни кучайтиргани ва КХДР чегараси яқинидаги полигонларда ўқ отишни давом эттиргани учун танқид қилди.
«Мен қатъий тасдиқлайманки, душманнинг давлатимиз дарвозаларида очиқдан-очиқ ўт билан ўйнаши вазиятни кескинлаштиришга қаратилган очиқ провокациядир, буни оқлаб бўлмайди», - дея таъкидлади Ким Ё Чжон.