Корея Марказий ахборот агентлигининг хабар беришича, Ким Чен Ин юқори лавозимли ҳарбийлар ва бошқа раҳбар кадрларга “янги авлод” снайпер милтиқларини топширган.
Ушбу қурол КХДР Миллий мудофаа академияси томонидан ишлаб чиқилган. Шимолий Корея етакчисининг сўзларига кўра, бу “энг замонавий ва ажойиб қурол” ҳисобланади.
Қурол топшириш маросимидан сўнг Ким Чен Ин янги милтиқларни ўқ отиш майдонида шахсан ўзи синовдан ўтказган.