Шимолий Корея етакчиси Ким Чен Ин ярим оролдаги хавфсизлик билан боғлиқ вазият ёмонлашган бир пайтда Шимолий Корея урушини тўхтатувчи кучларини кенгайтириш зарурлигини эълон қилди.
“Ким Чен Ин янада амалий ва ҳужумкор кенгайиш, хавфсизлик билан боғлиқ вазиятни янада қатъий назорат қилиш учун КХДРнинг тез кучайиб бораётган урушни тўхтатувчи кучларидан самарали фойдаланиш зарурлигини таъкидлади”, — дейилади “РИА Новости” хабарида.
Март ойи охирида Ким Чен Ин ядровий қурол ишлаб чиқаришни кўпайтиришни буюрганди.
Шимолий Корея етакчисининг сўзларига кўра, мамлакат ҳар қандай вақтда урушнинг олдини олиш учун ядро қуролидан фойдаланишга тайёр бўлиши керак.
