Ким Чен Ин армиянинг бронетехникасини янгилашни тезлаштиришни буюрди

Шимолий Корея етакчиси Ким Чен Ин Корея халқ армиясининг зирҳли техникасини тезкорлик билан янгилаш зарурлигини маълум қилди.

Бу ҳақда Корея марказий телеграф агентлиги хабар берди.

"Ким Чен Ин қуруқликдаги қўшинларимиз зирҳли техникасини ўтган асрнинг энг замонавий танклари ва бронетехникаларига алмаштириш қуролли кучларни барпо этиш ва қуруқликдаги қўшинларни модернизация қилишдаги энг муҳим масала эканини таъкидлади", — дейилади Шимолий Корея етакчисининг танк заводига ташрифи ҳақидаги ҳисоботда.

Ким Чен Ин ушбу завод ва ихтисослаштирилган корхоналарни модернизация қилиш ҳисобига замонавий йирик танклар ва ўзиюрар артиллерия қурилмаларини ишлаб чиқаришни жадаллаштириш, зирҳли техникаларни энг қисқа вақт ичида янгилаш "Партия Марказий Қўмитасининг зирҳли техника ишлаб чиқаришда иккинчи инқилобни амалга ошириш бўйича буюк режаси ва стратегик ниятини амалга оширишдаги муҳим вазифа" эканини таъкидлади.