Бугун 22 ноябрь, 2026 йил, якшанба

O'ZB

Киев марказида портлашлар содир бўлди — Кличко

A A A
Киев марказида портлашлар содир бўлди — Кличко

Киев вилояти ва Украинанинг яна бир қанча вилоятларида ҳаводан огоҳлантириш эълон қилинди. Киев мери Виталий Кличко шаҳарда иккита портлаш содир бўлганини айтди.

“Шевченко туманидаги портлаш пойтахт марказида содир бўлди”, — деб ёзди у телеграмда. Кейинроқ Кличко ўша ҳудудда яна бир портлаш содир бўлганини қўшимча қилди.

Мамлакат ички ишлар вазири маслаҳатчиси Aнтон Герашченко воқеа гувоҳларига таяниб, телеграм каналида пойтахтдаги портлашлардан бири темир йўл вокзали яқинида содир бўлганини ёзмоқда.

Украина президенти девони раҳбари Aндрей Ермак пойтахтга камикадзе дронлари томонидан ҳужум қилинганини айтди.

Шунингдек, Днепропетровск, Кировоград, Николаев, Полтава ва Харков вилоятларида ҳаво огоҳлантириши эълон қилинди, деб хабар беради “Strana.ua”. Портлашлардан сўнг Киевда ёнғин чиқди. Ҳозирча қурбонлар ҳақида маълумот берилмаган.

Киритилди: 11:50 17.10.2022. Ўқилди: 2777 марта. Фикрлар сони: 0 та.
telegram channel

Энг кўп ўқилган янгиликлар