Канада бош вазири Марк Карни Брюсселга ташриф буюрди

Европа Иттифоқи ва Канада янги бош вазири Марк Карни НАТО саммити арафасида хавфсизлик ва мудофаа соҳасида ҳамкорлик бўйича йирик битим имзолаши кутилмоқда

Канада бош вазири сешанба куни НАТО саммитида иштирок этиш учун Гаагага жўнаб кетди.

Қўшма битим Канада ва ЕИ ўртасида турли соҳаларда, жумладан, Украинани қўллаб-қувватлаш, бошқарув бўйича ҳамкорлик, инқирозлар, денгиз хавфсизлиги, кибермакон, хорижий ахборот манипуляциясига қарши курашиш, терроризмга қарши курашиш, қурол назорати, ядровий қуролларни тарқатмаслик, қуролсизланиш, космик дастурни назарда тутади.

— Бу учинчи давлатга таклиф қилишимиз мумкин бўлган энг кенг қамровли келишув тузилмаси, — деди Европа комиссияси.

Европа оммавий ахборот воситалари, шунингдек, Канада бош вазири Европа Иттифоқига иккинчи муддатга келган АҚШ президенти Д. Трампдан олдин ташриф буюраётгани ҳақида ёзмоқда.

Трамп Брюсселга ҳали расмий ташриф билан бормаган.