Жаҳон соғлиқни сақлаш ташкилоти АҚШ президенти Доналд Трампнинг ташкилотни тарк этиш қароридан кейин харажатларни қисқартиради ва дастурларга устуворлик беради.
Бу ҳақда ЖССТ раҳбари Тедрос Адҳаном Гебреесус маълум қилди.
Душанба куни инаугурациядан сўнг, Трамп ЖССТни COVID-19 пандемияси ва бошқа халқаро соғлиқни сақлаш инқирозларини нотўғри бошқаришда айблади. Оқ уй раҳбари АҚШнинг ташкилотдан чиқиши ҳақидаги фармонни ҳам имзолади.
" Бу эълон бизнинг молиявий аҳволимизни янада оғирлаштирди ... " деди Гебреесус 23 январдаги эслатмада.
Ҳужжатда айтилишича, ЖССТ саёҳат харажатларини сезиларли даражада камайтириш ва пулни тежаш учун ходимларни ёллашни тўхтатишни режалаштирмоқда.
Меморандумда, шунингдек, ЖССТ ташкилотдаги бюджет ва ички ўзгаришларга ҳозирданоқ тайёргарлик кўраётгани, аммо мавжуд вазият туфайли улар этарли эмаслиги қайд этилган. Бундан буён ЖССТ барча йиғилишларни видеоконференция орқали ўтказишни, ИТ ускуналарини алмаштиришни чеклашни ва агар хавфсизлик билан боғлиқ бўлмаса, офисларни таъмирлашни тўхтатиб туришни режалаштирмоқда.
Ташкилотнинг умумий молиялаштиришнинг қарийб 18 фоизи АҚШ томонидан таъминланади. ЖССТнинг 2024-25 йилларга мўлжалланган сўнгги икки йиллик бюджети 6,8 миллиард долларни ташкил этди.
Канада АҚШга зарба берди
"Кўринмас" рус дронлари Украина артиллериясини мазах қилмоқда
Россия Су-35’ларни Хитойга сотиб хато қилдими? Хитой Су-35’ларни учиш учун эмас, нусха олиш учун олган!
