Жо Байден АҚШ президенти сифатида БМТ Бош Ассамблеясида сўнгги марта нутқ сўзлади

Байденнинг нутқидан асосий иқтибослар:

◾️ БМТ замонга мослашиши, янги овозлар, янги қарашларни эшитиши керак. Айнан шунинг учун биз БМТ Хавфсизлик Кенгаши аъзолари сонини оширишни қўллаб-қувватладик;

◾️ Яқин Шарқдаги можаронинг кенг кўламли урушга айланишининг олдини олиш учун дипломатик ечимга эришишнинг ҳали ҳам имкони бор;

◾️ 7 октабрдаги Исроилга ҳужумдан сўнг бутун минтақани қамраб олиши мумкин бўлган уруш авж олишига йўл қўймаслик борасидаги қатъий ҳаракатларимизга қарамай, орадан деярли бир йил ўтиб, Ливан-Исроил чегарасидаги вазият ниҳоятда хавотирли тус олмоқда;

◾️ Кенг миқёсли уруш ҳеч кимнинг манфаатларига мос келмайди. Вазият ёмонлашганига қарамай, дипломатик ечимга эришишнинг ҳали ҳам иложи бор. Аслида, бу ҳар икки мамлакат аҳолисига чегара ҳудудлардаги уйларига эсон-омон қайтишга имкон берувчи доимий хавфсизликка эришишнинг ягона йўли бўлиб қолмоқда. Бунинг устида биз тинимсиз меҳнат қиламиз;

◾️ Путин асосий мақсадига эриша олмади: Украина вайрон қилинмади, НАТО эса аввалгидан кучлироқ. Биз вазиятнинг ўзгаришсиз қолишига йўл қўя олмаймиз, бу мамлакат эркинлигини сақлаб қолиш учун Украинани қўллаб-қувватлашимиз керак. Агрессияга кўз юма олмаймиз, чунки бу миллатнинг ҳалокатига олиб келади;

◾️ Украина БМТ Низомига мувофиқ барқарор барқарор тинчликка эришиши учун биз тўхтай олмаймиз ва Украинани қўллаб-қувватлашимизни сусайтира олмаймиз.