"Трампнинг яқин атрофидаги ҳеч ким Эрон билан урушни тўхтатиш учун вице-президент Вэнсчалик ҳаракат қилмаган", — деб ёзади The New York Times нашри ўз мақоласида.
АҚШ вице-президенти ўз сиёсий фаолиятини бундай ҳарбий саргузаштларга қарши чиқиш асосида қурган. У Эрон билан урушни ресурсларнинг беҳуда сарфи ва режимни алмаштиришга бўлган уринишни ҳалокатли деб ҳисоблаган.
Вэнс Трампни Эронга қарши уруш минтақавий тартибсизлик ва кўплаб қурбонларга сабаб бўлишидан огоҳлантирган. Шунингдек, бу қарор "янги урушлар бўлмайди" деган ваъдага ишонган сайловчилар учун хиёнат бўлишини таъкидлаган.
Вице-президент сифатида у Қўшма Штатлардаги ўқ-дорилар тақчиллигини яхши биларди ва бу уруш Вашингтонни йиллар давомида заифлаштиришидан хавотирланган. Унинг фикрича, Эроннинг жавоб қайтаришини прогноз қилиб бўлмайди ва урушдан кейин тинч Эронни қуриш имконсиз. Энг катта хавф эса — Ҳўрмуз бўғозининг ёпилиши бўлиб, бу АҚШда бензин нархини кескин кўтариб юбориши мумкин эди.
Шунингдек, журналист Такер Карлсон ҳам Трампни бу йўлдан қайтаришга уринган. У бир йил давомида Трампни Эрон билан уруш унинг президентлигини барбод қилишидан огоҳлантириб келган. Урушдан олдинги суҳбатда Трамп Карлсонни тинчлантириб: "Хавотир олма, ҳаммаси яхши бўлади", деган. Карлсон буни қаердан билишини сўраганда, Трамп: "Чунки доим шундай бўлади", дея жавоб қайтарган.
Теҳронда Олий раҳбар вафоти муносабати билан катта мотам маросими бўлиб ўтмоқда
Эрон Трампнинг Ҳўрмуз бўғозини очиш бўйича ултиматумига жавоб қайтарди
Эрон Ҳўрмуз бўғозининг «калитларини йўқотиб қўйди»
