Жанубий Кореяда барча Boeing 737-800 самолётлари текширилади

Жанубий Корея ҳукумати Муан аэропортида ҳалокатга учраган самолётдан сўнг мамлакатдаги барча Boeing 737-800 самолётларини кўздан кечиради.

Бу ҳақда Yonhap агентлиги маълум қилди.

Журналистларнинг сўзларига кўра, текширув доирасида мутахассислар самолётларга техник хизмат кўрсатиш тизимини ўрганадилар. Ушбу чора Жанубий Корея авиакомпанияларига таъсир қилади, дея аниқлик киритди агентлик.

Аввалроқ Жанубий Кореянинг Jeju Air авиакомпаниясининг яна бир самолёти қўниш мосламасида муаммоларга дуч келгани, натижада у жўнаб кетиш аэропортига қайтгани ҳақида хабар берилган эди.

Эслатиб ўтамиз, Jeju Air авиакомпаниясининг Boeing 737 самолёти 29 декабрь куни Жанубий Кореянинг Муан аэропортида ҳалокатга учраган эди. Самолёт қўниш чоғида учиш-қўниш йўлагидан ағдарилган ва бетон тўсиққа қулаган, кейин эса портлаган. Самолёт деярли бутунлай вайрон қилинган. Ҳодисанинг дастлабки сабаби сифатида қушларнинг урилиши оқибатида қўниш мосламаси тизимининг носозлиги кўрсатилган.

Самолёт бортида жами 181 киши бўлган. Улар орасида 173 нафар корейс ва икки нафар Таиланд фуқароси бор. ОАВнинг хабар беришича, фавқулодда вазият пайтида самолётнинг орқа қисмида бўлган бир неча киши тирик қолишга муваффақ бўлган.