Жанубий Корея 2022 йилда дунёнинг олтинчи энг кучли давлатига айланди

US News and World Report нашри 2022 йилнинг апрелидан июлигача бутун дунё бўйлаб 17 000 кишидан олинган жавоблар асосида 85 давлатни баҳолаб, энг кучли давлатлар рейтингини эълон қилди.

US News дунёнинг энг қудратли мамлакатларини “доимий равишда янгиликлар сарлавҳаларида ҳукмронлик қиладиган, сиёсий эътиборни ўзига тортадиган ва глобал иқтисодий моделларни шакллантирадиган давлатлар” деб таърифлаган.

Биринчи ўринда АҚШ, кейин Хитой, Россия, Германия ва Буюк Британия. Жанубий Корея Франция ва Японияни ортда қолдириб, олтинчи ўринни эгаллади.