Сурияда «Жабҳат ан-Нусра» террорчилик гуруҳи Идлиб вилояти бўйича келишувни бажаришга халақит бермоқда. Бу ҳақда Саудия Арабистонининг Иорданиядаги элчиси Ҳолид бин Туркий Ал Сауд маълум қилди, деб ёзади «РИА Новости».
Сентябрь ойида Россия президенти Владимир Путин ва Туркия президенти Ражаб Тоййиб Эрдўғон Идлиб вилоятида 15 октябрга қадар қуролсизлантирилган ҳудудни ташкил этишга келишган эди.
«Ҳозирда ‘ан-Нусра’ Идлибда бўлиб, Идлиб келишувига халал бермоқда. Келишув суриялик биродарларнинг ҳаёти ва мол-мулкини сақлаб қолиши ва улар террорчилик ташкилоти гаровга олган кишиларга айланмаслигига умид қиламиз», — дейди Саудия элчиси.
Унинг сўзларига қараганда, гуруҳни Қатар ва аллақандай «Арабистонга алоқаси бўлмаган мамлакат» қўллаб-қувватламоқда.
Manba: daryo.uz
Шойгу уруш тугайдиган “аниқ ва шубҳасиз” санани маълум қилди
Зеленский шуни ёдда тутиши керакки, у Ашраф Ғани каби ёки ундан ҳам баттарроқ бўлиши мумкин
Аriston компанияси миллийлаштирилгач, Россия элчиси Италия ТИВга чақиртирилди
