Италия футболи афсонаси узоқ давом этган касалликдан сўнг вафот этди

Кеча 1990 йилги жаҳон чемпионатининг энг яхши тўпурари бўлган италиялик Салваторе Скиллачи вафот этди.

ЖЧ-1990нинг энг яхши ўйинчисига айланган италиялик собиқ футболчи бир неча йилдан буён йўғон ичак саратони билан оғриб, касаллик билан курашаётганди. У 59 ёшда вафот этди.

Эслатиб ўтамиз, Скиллачи 1997 йилда фаолиятини якунлаганди. У фаолияти давомида «Ювентус» ва «Интер» сингари клублар шарафини ҳимоя қилиб, 1990 йилги турнирда Италия миллий жамоаси сафида бронза медалига эга чиққанди. Салваторе 6та гол муаллифига айланганди.