Истанбул полицияси Туркия курортларида дам олгани келган чет эллик сайёҳларнинг ҳисоб рақамларидан 1,1 миллиард турк лираси (29 миллион доллар) миқдоридаги маблағни ўғирлаганликда гумон қилинаётган 20 кишилик гуруҳни қўлга олди.
Бу ҳақда Anadolu давлат агентлиги хабар бермоқда.
"Гуруҳнинг эҳтимолий раҳбари бўлган Қушадасидаги меҳмонхона эгаси Х.О. ўз меҳмонхонасида жой банд қилган чет эллик сайёҳларнинг карта маълумотларини бошқа меҳмонхона ва автомобиль ижараси компанияларига узатган. Сайёҳлар таътилдан қайтгач, уларнинг кредит карталаридан гўёки меҳмонхоналарда дам олиш ва автомобиль ижараси учун бир неча бор пул ечиб олинганини аниқлаганлар", дейилади хабарда.
Гуруҳнинг айрим аъзолари чет элликларнинг карта маълумотларини бошқа мамлакатларга саёҳат пайтида қўлга киритишган. Ноқонуний йўл билан топилган маблағлар "ювилган" ва уларга кўчмас мулк сотиб олинган.
Даҳшат! Вафот этган 88 ёшли аёл тобутда ҳушига келди
Ҳиндистон чўкиб кетмоқда - ярим миллиондан ортиқ қурбонлар
Тошкент шаҳар ИИББ жиддий огоҳлантиради!
