Исроилнинг Ғазога қилаётган қирғинбарот ҳужумида нималар содир бўляпти?

Сўнгги 24 соат ичида Ғазо бўйлаб Исроилнинг уюштирган ҳужумларида камида 31 фаластинлик ҳалок бўлди, улардан саккиз нафари кўчирилганларга бошпана бўлган мактабга уюштирилган ҳужумда.

Оилалар «озиқ-овқат, сув, кийим-кечак ва пульсиз» қочиб кетишди.

Исроилнинг жума куни якунланган 10 кунлик ҳарбий босқинида кўплаб оилалар Жениндаги уйларини ташлаб кетишга мажбур бўлдилар, бошқалари эса тузоққа тушди.

Исроил армиясининг қамалида камида 34 фаластинлик ҳалок бўлди.

«Биз кетдик, биз билан бирорта ҳам нарса олиб кетишимизга рухсат беришмади. Бизда овқат ҳам, сув ҳам, кийим-кечак ҳам, пул ҳам йўқ эди», деди Ал-Жазира телеканалига у ерда яшовчи Сажа Бавақне.

Ғазода ўт очишни тўхтатиш келишувини таъминлаш учун Бош вазир Нетаняхуга босим кучайгани сабабли Исроил бўйлаб ҳукуматга қарши кенг кўламли намойишлар давом этмоқда.

Шанба куни тахминан 750 000 исроиллик Исроилнинг энг йирик норозилик намойишларидан бирида кўчаларга чиқди. Ташкилотчиларнинг айтишича, Тел-Авивда 500 минг киши бор, яна 250 минг киши мамлакатнинг бошқа шаҳарларидаги митингларга қўшилган.

Исроил ҳарбийлари Ғазо бўйлаб ҳужумларни кучайтирмоқда.

Исроил армияси Ғазо бўйлаб ҳарбий ҳужумларини кучайтирмоқда. Унинг қирувчи самолётлари ва артиллерия ўқлари эвакуация марказлари ва уйлар ҳужумга учраган шимолни нишонга олди.

Ғазонинг марказида, айниқса Нусейрат қочқинлар лагеридаги оилалар нишонга олинган бўлса, Ғазо жанубидаги Рафаҳда Исроил ҳарбий амалиётлари ҳамон давом этмоқда.

Исроил кучлари ишғол остидаги Ғарбий Соҳилда 7 нафар фаластинликни қўлга олди.

Ал-Жазира манбаларининг айтишича, босқинчилар Байтлаҳм шарқидаги Ҳармала қишлоғига бостириб кириб, бир фаластинликни ҳибсга олган ва яна уч нафарини сўроққа чақирган.

Исроилнинг Ғарбий Соҳилда давом этаётган ҳарбий амалиётлари бошланганидан буён Исроил кучлари ва кўчманчиларнинг ҳужумларида камида 692 фаластинлик, жумладан 158 нафари вояга етмаганлар ҳалок бўлди.

Исроил қамоқхоналарида ҳалок бўлган ўнлаб ғазолик фаластинликларнинг шахси ҳали аниқланмаган.

5700 дан ортиқ фаластинлик яраланган, камида 10400 нафари ҳибсга олинган.