Исроилнинг Байрут марказига берган ҳаво ҳужуми оқибатида олти киши ҳалок бўлди, саккиз киши яраланди. Бу ҳақда Ливан соғлиқни сақлаш вазирлиги маълум қилди, деб хабар беради «Ал-Жазира» телеканали. 2-октабр куни кечқурун Исроил армияси Байрутга «мақсадли» зарба берганини эълон қилди.
Associated Press хабарига кўра, Исроил зарбасидан мақсад Ливан Ҳизбуллоҳ ҳаракатининг тиббий бўлими билан боғлиқ турар жой биноси бўлган. Ҳизбуллоҳга алоқадор Ал-Манар телеканали марказий Башур туманидаги Байрут Ислом соғлиқни сақлаш бошқармаси марказига ҳужум уюштирилгани ҳақида хабар берди.
Ливан Соғлиқни сақлаш вазирлиги маълумотларига кўра, сўнгги 24 соат ичида Исроил ҳужумларида 46 киши ҳалок бўлган, 85 киши жароҳатланган. Зарбалар Набатаба провинциясининг жанубий ҳудудлари, Бекаа, Баалбек-Ҳермел, шунингдек, Ливан тизмасида амалга оширилди.
Украина бешта шаҳарни йўқотиш хавфи остида
Туркия, Эрон, Россия, Қатар, Миср, Иордания ва бошқа давлатлар Сурия бўйича қўшма баёнот берди
Исроил танклари Сурия ҳудудига бостириб кирди
