Исроил “Темир нур” лазер қуролини намойиш қилди: У душман дронлари ва ракеталарини эритиб юбориши мумкин

Исроилнинг Rafael мудофаа концерни “Жанговар йўлбошчи” фильмларидаги жанг саҳналари ва робот R2-D2 ни эслатувчи янги лазер қуролини ишлаб чиқди. Iron Beam (“Темир нур”) деб номланган бу қурол осмонга улкан кучга эга лазер импульсини йўллаб, дрон ёки ракеталарнинг металл танасини эритиб юбориши орқали уларни йўқ қилади.

Rafael компанияси вице-президенти Шломо Тоаф BILD нашрига шундай деди:

🗣 «Бу қурол биздан бошқа ҳеч кимда йўқ! Бу — инқилобий технология. Лазер шунчалик кучли ва аниқки, катта бармоқ қалинлигидаги нур билан тахминан 10 километр масофадаги нишонга аниқ урилади ва душман қуролини йўқ қилади. [...] Асосий афзаллик шундаки, ҳар бир отиш бир неча сентга тушади, ўқ-дорилар запаси эса амалда чексиз — фақат электр токи керак.»

Iron Beam қуролини ҳам стационар ҳолда, ҳам автомобилларга ўрнатиб ишлатиш мумкин. Унга тахминан 100 киловатт керак бўлади — бу ўртача ҳажмдаги генератор қувватига тенг. Тоафнинг айтишича, ушбу лазер қуроли Исроил осмонини ҳимоя қилаётган “Темир гумбаз” (Iron Dome) ҳаво мудофаа тизимини қўллаб-қувватлаш вазифасини бажаради.