Исроил ташқи ишлар вазири Туркияга боради

23 июнь куни Исроил ташқи ишлар вазири Яир Лапид Туркияга сафар уюштиради, деб хабар тарқатди сиёсий маҳкама матбуот хизмати.

Ташриф чоғида икки томонлама муносабат ва минтақавий масалалар муҳокама этилади.

Май ойида Туркия ташқи ишлар вазири Мавлют Чавушўғли Исроилга борди. Бу турк вазирининг мазкур давлатга 15 йилдан сўнг амалга оширган сафари эди.

Яир Лапид билан Анқарада ўтадиган музокарада ҳар икки давлатда элчилар фаолиятини бошлаш, ўзаро муносабатни тўлиқ меъёрига келтириш бўйича келишувга эришиш кутилмоқда.