АҚШ дипломати К.Брилл Нетаняху Ғазо секторида урушда ютқазган деб ҳисоблайди. Бунинг сабаби Исроил раҳбарияти ва Тел-Авив иттифоқчиларининг имиж йўқотишлари.
АҚШ расмийлари доимий равишда Исроилнинг ўзини ҳимоя қилиш ҳуқуқини қўллаб - қувватлашларини таъкидлаб келишган. Аммо бир неча ой олдин Исроилнинг Ғазо секторидаги ҳарбий кампанияси ўзини ҳимоя қилиш операцияси эмас, балки қасос кампаниясига айланди.
Таъкидланишича, ўн минглаб тинч одамларнинг ўлими ва бемаъни вайронагарчиликлар ҳақидаги кўплаб кадрлар Ғазодаги беқарорликнинг манбаи Ҳамас эмас, Исроил деган фикрни шакллантирди.
Америкалик дипломатнинг фикрича, Исроил музокаралар столига ўтириш вақти келди, чунки АҚШ бутун Араб дунёси билан курашишга тайёр эмас.