Исроил Ғазо шимолидаги мунтазам этник тозалашни тан олди

Бу Исроилнинг Ғазо шимолини фаластинликлардан мунтазам тозалаётганини биринчи марта расман тан олиши кўринади.

Исроил ишғолчи кучлари зобити Ицик Коэн Исроил матбуоти брифингида Фаластинликлар Ғазо шимолидан мажбуран чиқариб юборилганидан кейин уларнинг қайтишига рухсат берилмаслигини айтди.

«Биз Ғазо шимолини тўлиқ эвакуация қилишга яқинлашмоқдамиз ва аҳолининг уйларига қайтишига рухсат берилмайди», деди Исроил ҳарбий амалдори.

У шунингдек, гуманитар ёрдам Ғазо жанубига «мунтазам равишда» этиб боришини, лекин шимолга эмаслигини, чунки «у ерда тинч аҳоли қолмаганини» таъкидлади.

Исроил бир неча бор сунъий очарчилик яратганини ва фаластинликларни Ғазо шимолидан «Генераллар режаси» деб атаган ҳолда чиқариб юборганини рад этиб келади. Бироқ октабр бошидан бери ҳудудга гуманитар ёрдам етиб бормаган.

Бирлашган Миллатлар Ташкилотининг ҳисоб-китобларига кўра, шимолда 400 000 киши ҳали ҳам Исроилнинг доимий ўққа тутилиши остида.

Ижтимоий тармоқлардаги сўнгги видеоларда кўчирилган одамларнинг Ғазо шаҳрининг вайрон бўлган ҳудудлари бўйлаб жанубга силжиши кўрсатилган.