Исроил Кнессети аъзоси ва ўта ўнг экстремист Алмог Коэн фаластинлик болалардан «тўлов» олишга чақирди.
Х тармоғида экстремист Исроил душманлари фарзандлари учун «тўлаш» вақти келганини айтди. Яҳудий депутат ярадор синглисини елкасида касалхонага олиб кетаётган фаластинлик қизнинг видеосига шундай муносабат билдирди.
Аввалроқ, 2023 йилнинг январь ойида Женин шаҳридаги рейд пайтида 9 фаластинлик тинч аҳолини ўлдирган Исроил армиясини «Уларни ўлдиришда давом этинг» деган сўзлар билан мақтагани учун унинг Х ҳисоби блокланган эди.
2023 йилнинг февраль ойида у Исроил парламентининг араб аъзоларини ҳайвонларга қиёслаб, улар «қўй бўлишга лойиқ эмас, улар одамлар эмас» деган тирадни эфирга узатди ва «ҳаётларини аянчли қилишга» ваъда берди.
❕ 2024 йил март ойида у Исроил армиясини Рамазон ойида Рафаҳга киришга ва «барча фаластинликларни ўлдиришга» чақирди.
💬 «Рафаҳга қуруқликдан киришимиз керакми? Улар рўзадор, чарчаган ва заиф бўлганларида (Рафаҳга қуруқликдан ҳужум қилиш) суяклари синиши керакми? Ҳа. Рамазон уларни ўлдириш учун энг яхши вақт. Улар чарчаган ва заифлашган. Мен уларга эмас, биродарларимга (Исроил асирлари) ачинаман. Мен Бош вазирни (Нетаняху) Рафаҳга қуруқлик орқали кириб, уларни ўлдиришга чақираман», деди ўшанда Исроил қонунчиси.
