Исроил делегацияси музокаралар учун Қатарга етиб келди

Исроил Ғазо бўйича музокараларда иштирок этиш учун Моссад раҳбарини Қатарга юборди.

Исроил Бош вазири Бинямин Нетаняху пайшанба куни АҚШ президенти Жо Байденга тўхтаб қолган музокараларни қайта бошлаш учун делегация юборишга қарор қилганини айтди. Бу ҳақда Reuters исроиллик манбага таяниб хабар берди.

Аноним қолишни истаган манбанинг айтишича, ХАМАС келишув шартлари бўйича қайта кўриб чиқилган таклифни тақдим этганидан кейин келишувга эришиш учун реал имконият бор.