Исроил армияси 65 кундан бери ишғол остидаги Ғарбий Соҳилдаги Тулкерим шаҳри ва худди шу номдаги қочқинлар лагерига ҳужумларини давом эттирмоқда.
Фаластиннинг расмий ахборот агентлиги WAFA маълумотларига кўра, Исроил ҳарбийлари тинч аҳолини уйларидан бостириб, ҳибсга олиш ва мажбуран қувиб чиқариш ҳамда мулкларини йўқ қилишда давом этмоқда. Шаҳарга қўшимча кучлар ўтказилмоқда.
Лагерь деярли бутунлай эвакуация қилинган. Бундан ташқари, Ҳадай ва Рабай маҳаллалари ҳам мажбуран эвакуация қилинган.
Хабар қилинишича, ишғол кучлари қочқинлар лагери инфратузилмасини бутунлай вайрон қилган.
Исроил аскарлари 52 кундан бери ҳужум остида қолган Нур Шамс қочқинлар лагерига ҳам ҳужум қилмоқда.
19 январь куни Ғазода ўт очишни тўхтатиш келишуви кучга кирганидан икки кун ўтиб, Исроил армияси ишғол остидаги Ғарбий Соҳил шимолидаги қочқинлар лагерларига "Темир девор операцияси" деб номланган ҳужум бошлади. 21 январдан бери давом этаётган ҳужумларда ўнлаб фаластинликлар ҳалок бўлди, юзлаб одамлар ҳибсга олинди.
Қувайт энди Эронга ошкора ваъда берди
Чернобил ҳайвонларида кутилмаган суперқобилиятлар аниқланди
Россиянинг уруш машинаси тезлашмоқда
