Бағдоддаги ал-Карх тумани жиноят ишлари бўйича суди "Ислом давлати" террорчилик гуруҳи раҳбари Абу Бакр ал-Бағдодийнинг ўринбосарларидан бирини ўлимга ҳукм қилди, деб хабар берди Ироқ олий суди кенгаши вакили Абдул Саттор Биркадар ўз баёнотида.
"Ал-Карх жиноят ишлари бўйича суди террорчиликда айбланаётган Исмоил ал-Айсави ишини кўриб чиқишни якунлади", — дейилади хабарда. Маълум қилинишича, у осиб ўлдиришга ҳукм қилинган.
Баёнотда айтилишича, айбланувчи аввал Сурияга, сўнгра Туркияга қочиб ўтган ва ўша ерда қўлга олинган.
Биркадарнинг сўзларига кўра, ал-Айсави гуруҳда турли лавозимларда ишлаган. У хусусан, фатво бўйича қўмитада ишлаган ва гуруҳда ўқув режаларини тузиш учун жавобгар бўлган.
Ал-Бағдодийнинг ўлдирилгани ҳақида бир неча марта хабарлар тарқалган бўлса-да, уларнинг ҳеч бири тасдиқланмаган.
Manba: kun. uz
ЕЧЛ. Ярим финал. "Бавария" "Реал" билан жанговар дуранг қайд этди
Россия иқтисодиёти қулаши мумкин
Россия ИИВ 400 га яқин муҳожирни Россия паспортидан маҳрум қилди
