Ироқда археологлар криминологлар билан биргаликда 1980-йилларда қурилган оммавий қабрни эксгумация қилиш устида иш бошладилар. Мутанна провинсиясидаги Тал ал-Шайхия аҳоли пункти яқинида топилган қабрда анъанавий курд баҳорги либосларини кийган камида 100 нафар аёл ва болаларнинг жасади бор эди. Бу одамлар, экспертларнинг фикрича, Саддам Ҳусайн режими даврида репрессия қурбони бўлган.
Ироқнинг оммавий қабрларни текшириш департаменти раҳбари Диаа Каримга кўра, аёллар ва болалар бундан қарийб 40 йил аввал Ҳусайннинг курд аҳолисига қарши энг қонли амалиётларидан бири бўлган Анфал кампанияси доирасида ўлдирилган. Қурбонларнинг кўпчилиги бошига яқин масофадан ўқ отилиши оқибатида ҳалок бўлган, қолганлари эса тириклайин кўмилган.
Қазишмалар раҳбари Аҳмад Қусай томонидан тасвирланган тафсилотлар кашфиётни айниқса фожиали қилади.
“Баъзи қолдиқлар бир-бири билан боғлиқ. Ўлим вақтида оналар ўз фарзандларини қандай тутганини кўрамиз”, деб тушунтирди у.
Ҳалок бўлганларнинг кўпчилиги шимолий Сулаймония вилоятидаги Калар шаҳридан бўлган бўлса керак, ҳозирда Курд мухторияти таркибига киради.
Қазишмалар натижасида, шунингдек, Ҳусайн даврида сиёсий маҳбуслар сақланаётган машҳур Нуграт ал-Салмон қамоқхонаси яқинида жойлашган яна бир оммавий қабр аниқланган. Ироқ расмийларининг ҳисоб-китобларига кўра, 1980-1990 йиллар оралиғида диктатор репрессиялари натижасида 1,3 миллионга яқин одам бедарак йўқолган. Саддам Ҳусайн 2006 йилда инсониятга қарши жиноятлари учун қатл этилган.
Қодиров Ўзбекистон раҳбариятини "уйғониш қўнғироғи"дан огоҳлантирди
Озарбайжон жавоб қайтарди
9 январь АҚШда мотам куни деб эълон қилинди
